«Бавария» устози Хосеп Гвардиола «Монако» устози Клаудио Раньерига собиқ шогирди Эрик Абидальни сотиб олишни маслаҳат берган. Бу ҳақда испан ОАВда хабар берилмоқда.
Манбада айтилишич, Гвардиола уни «Бавария»га ҳам таклиф қилмоқчи бўлган, лекин клуб раҳбарияти таваккал қилишни хоҳламаган. Хабарингиз бор, футболчи оғир ҳасталикни бошидан ўтказган. Немислар унинг тикланиши учун кўп вақт кетади деб қўрқишган.
«Ўйлаб ҳам ўтирманг. Уни ҳозироқ таркибингизга қўшиб олинг. Кўрасиз, Рождествода менга қўнғироқ қилиб, миннатдорчилик билдирасиз»,- деб Гвардиоланинг сўзларидан иқтибос келтиради Football Espana.
Манбада айтилишича, Раньери миннатдорчилик билдиришни кечга суриб ўтирмаган. Ҳозирга келиб Франция чемпионатида биринчи ўринда бораётган жамоанинг асосий таркибида Абидаль доимий майдонга тушиб келмоқда.
