«Барселона» ҳамон Мадриднинг «Атлетико» клуби ҳужумчиси Хулиан Альваресни трансфер қилишга умид қилмоқда. Каталония клуби футболчи атрофидаги вазиятни диққат билан кузатишда давом этяпти.
Журналист Виктор Наварро маълумотига кўра, «кўк-анорранглилар» раҳбарияти трансферни амалга ошириш учун ўзларига боғлиқ барча ишни қилиб бўлган, деб ҳисобламоқда. Энди клубга вазият ривожини кутиш қолган.
«Атлетико» футболчини сотишни қатъиян истамаётганига қарамай, Альвареснинг «Барселона»га ўтиши ҳали ҳам истисно қилинмаяпти. Каталонияликлар аргентиналик ҳужумчининг ўзи Мадрид клубини трансферга рози қилиш йўлини топишига умид қилмоқда.
Яқинда 26 ёшли Альварес «Атлетико» бош мураббийи Диего Симеоне билан бу масалада суҳбатлашди, аммо музокаралар ҳозирча ҳеч қандай натижа бермади.
