"Манчестер Юнайтед" бош мураббийи Майкл Каррик Маркус Рэшфорд ҳақида фикр билдирди.
28 ёшли футболчи "Барселона"даги ижарадан сўнг "Манчестер Юнайтед"га қайтди. Кўплаб трансфер миш-мишларига қарамай, "қизил иблислар" тарбияланувчиси ҳозирча клубни тарк этмади. Катта эҳтимол билан у янги мавсумни "Манчестер Юнайтед" сафида бошлайди.
"Рэшфорд — бизнинг футболчимиз. У жамоага ажойиб формада қайтди. Мен учун Маркус жамоамиздаги бошқа барча футболчилар каби тенг ҳуқуқли ўйинчи. Мен уни анчадан бери биламан ва у ўйинимизга ўзига хос нимадир қўша олади. Янги мавсум бошланишини интиқлик билан кутяпмиз", — дея Кэррикнинг сўзларини centredevils келтирди.
15 август куни "Манчестер Юнайтед" "Милан"га қарши ўртоқлик учрашувини ўтказади. Орадан бир ҳафта ўтиб, Каррик жамоаси Англия Премьер-лигасидаги янги мавсумни "Халл Сити"га қарши сафар учрашуви билан бошлайди.
