"Брайтон" ярим ҳимоячиси Диего Гомес клуб билан янги беш йиллик шартнома имзолади. Келишувда уни яна бир йилга узайтириш имконияти ҳам кўзда тутилган.
23 ёшли футболчи "Брайтон" сафига 2025 йил январь ойида қўшилган. Шундан бери у клуб таркибида барча мусобақалар доирасида 56 та учрашувда майдонга тушди.
"Брайтон" спорт директори Майк Кейв Гомеснинг жамоага қўшилганидан кейинги таъсирини юқори баҳолаб, футболчининг келгусида янада ривожланишига ишонч билдирди.
"Диего жамоамизга келганидан бери муҳим футболчилардан бири бўлиб келмоқда. Унинг узоқ муддатли келажагини клуб билан боғлаганимиздан мамнунмиз.
У Премьер-лига футболига жуда тез мослашди ва жамоанинг асосий футболчиларидан бирига айланди.
Биз Диего бу мавсумда ҳам ривожланишда давом этишига ва жорий мавсумда ҳам, келажакда ҳам мақсадларимизга эришишимизда муҳим роль ўйнашига ишонамиз", — деди Кейв.
