«Реал» бош мураббийи Жозе Моуриньо нима учун жамоасида Бернарду Силвани кўришни истаганини тушунтирди.

Бернарду бу ёзда «Манчестер Сити» билан шартномаси якунига етгач, Мадрид клуби сафига эркин агент сифатида қўшилди.

— Бу Пеп Гвардиола қадрлаган футболчилардан бири. Бунинг ўзи кўп нарсадан далолат беради, чунки Пеп доимо дунёдаги энг яхши футболчилар билан ишлаган.

— Сизга Бернарду ёқади, у сизга керак эди ва уни жамоага олиб келишни жуда хоҳлаган эдингиз. У жамоага нима беради?

— У ҳар қандай позицияда фойдали бўла олади. Умид қиламанки, унинг ёрдамида муаммоларимиз камайиб, барқарорлигимиз ошади. Агар бунинг уддасидан чиқсак, Бернарду ҳозир ярим ҳимоячи бўлса-да, «ўнлик» позициясида, ўнг қанотда, ҳужум учида ўйнай олади. У исталган позицияда ҳаракат қила олади, тактик жиҳатдан сезгирлиги жуда юқори ва у менга доимо ёқиб келган футболчи, — деди Моуриньо El Chiringuito нашрига берган интервьюсида.