24 ёшли ҳужумчи Жоау Педро "Челси" билан шартномасини 2034 йилнинг июнь ойи охирига қадар узайтирди. Унинг аввалги келишуви 2032 йилгача мўлжалланган эди.
Бразилиялик футболчи 2025 йил июлида "Брайтон"дан 60 миллион фунт эвазига "Челси"га ўтган. Ўтган мавсумда у АПЛда 35 та ўйин ўтказиб, 15 та гол ва 5 та голли узатма қайд этди ҳамда жамоанинг энг яхши тўпурари бўлди.
"Янги шартнома имзолаганимдан жуда хурсандман. Мен доим катта клубда ўйнашни орзу қилганман. "Челси" бой ғалабалар тарихига ва келажак учун улкан мақсадларга эга.
Барчамиз янги мавсумни катта ҳаяжон билан кутяпмиз. Биз кўп нарсага эриша олишимизни биламиз, чунки ажойиб жамоа ва мураббийимиз бор. Мен бутун эътиборимни ишга қаратганман. Умид қиламанки, мақсадларимизга эриша оламиз", — деди Жоау Педро.
