"Ал-Ҳилол" "Арсенал" вингери Габриэл Мартинелли бўйича расмий таклиф тайёрламоқда.
Клублар ўртасида музокаралар аллақачон бошланган. BBC журналисти Сами Мокбелнинг хабар беришича, Саудия лигаси гранди вакиллари "канонирлар"га бразилиялик футболчи учун "Галатасарой"дан кўпроқ маблағ таклиф қилишга тайёр эканликларини маълум қилган. Мавжуд маълумотларга кўра, Истанбул клуби тахминан 45 миллион евро таклиф қилган, аммо футболчининг ўзи бу трансферни рад этган.
"Арсенал" бош мураббийи Микель Артета Мартинеллига жорий мавсумда унга ишонч билдирмаслигини маълум қилган. 25 ёшли футболчининг амалдаги шартномаси келаси йилнинг ўрталарида якунига етади.
