«Челси» 18 ёшли ҳимоячи Оньест Аханорнинг «Аталанта»дан трансфери бўйича келишувга эришди.
Журналист Фабрицио Романо маълумотларига кўра, томонларга битимнинг айрим тафсилотларини келишиш ва зарур ҳужжатларни расмийлаштириш қолган. Трансфер суммаси 40 миллион фунтни ташкил қилади. Аханор аввалроқ фаолиятини «Челси»да давом эттиришга розилик берган.
Шу билан бирга, Лондон клуби ёш ҳимоячининг кейинги ривожланиши бўйича режани ҳали аниқлаши керак. Аввалроқ трансфер расмийлаштирилганидан сўнг Аханор жорий мавсумни АПЛнинг бошқа клубида ўтказиши, 2027 йил ёзида эса «Челси»га қўшилиши мумкинлиги ҳақида хабар берилган эди.
