«Ньюкасл» қанот ҳимоячиси Льюис Холл «Манчестер Юнайтед»га ўтиши мумкин. Ҳар ҳолда, «қизил иблислар» раҳбарияти бунга ишонмоқда.

TEAMtalk маълумотига кўра, «Манчестер Юнайтед» трансфер ойнаси ёпилгунига қадар 21 ёшли англиялик футболчини сотиб олишга ҳаракат қилади. Бироқ «Ньюкасл» ҳозирча Холлни қўйиб юборишни режалаштирмаяпти.

Шу билан бирга, Майкл Каррик жамоаси трансфер бу ёзда амалга ошмаса ҳам жиддий хавотирга тушмайди. Клубдагилар Холлни кейинги йил ҳам харид қилиш имкониятига эга эканликларига ишонишмоқда. Бу ҳолат Карлос Балеба трансферидаги вазиятга ўхшаш бўлиши мумкин.

Манбага кўра, эҳтимолий битим қиймати 82 миллион еврога етиши мумкин.

Янги мавсумда Холл барча мусобақаларда иккита учрашувда майдонга тушди, аммо гол ёки голли узатма билан ажралиб турмади.

Transfermarkt маълумотига кўра, ҳимоячининг бозор қиймати 40 миллион еврони ташкил этади.