«Ливерпуль» «ПСЖ» вингери Брэдли Баркола трансферини якунлашга яқин турибди. Goal маълумотига кўра, 23 ёшли француз футболчиси шанба куни тиббий кўрикдан ўтиш ва узоқ муддатли шартнома имзолаш учун Англияга йўл олади.

Манбага кўра, «Ливерпуль» ва «ПСЖ» тахминан 140 миллион евролик трансфер бўйича якуний келишувга эришган. Парижликлар дастлаб футболчи учун 170 миллион евро талаб қилган эди.

Баркола «Ливерпуль» тарихидаги иккинчи энг қиммат трансферга айланади. Биринчи ўринда ўтган йили тахминан 145 миллион еврога харид қилинган Александер Исак турибди. «ПСЖ» учун эса Барколанинг сотилиши клуб тарихидаги энг йирик трансфер савдоси бўлади.

Барколанинг «Ренн»га қарши 2:2 ҳисобида якунланган учрашув учун «ПСЖ» қайдномасига киритилмагани ҳам унинг кетиши яқин эканини кўрсатганди. Футболчи «Ливерпуль» билан шахсий шартнома борасида аллақачон келишиб олган.

Ўтган мавсумда Баркола «ПСЖ» сафида 49 та учрашувда майдонга тушиб, 13 та гол урди. «Ливерпуль» француз футболчисини Муҳаммад Салоҳнинг эҳтимолий вориси сифатида кўрмоқда.