«ПСЖ» Франция Лига 1 тарихида жуда кам учрайдиган натижани такрорлади.

Парижликлар «Лилль»га қарши учрашувнинг 90-дақиқасига келиб икки тўп фарқи билан ортда бораётган эди. Шунга қарамай, «ПСЖ» баҳс сўнгида икки марта рақиб дарвозасини ишғол қилиб, ҳисобни тенглаштиришга муваффақ бўлди.

Бундай ҳолат Лига 1да статистика юритила бошланганидан буён фақат бир марта қайд этилган. 2011 йилда «Ницца» «Лион»га 0:2 ҳисобида ютқазаётган пайтда икки гол уриб, мағлубиятдан қутулиб қолган эди.

Шу билан бирга, «ПСЖ» кетма-кет учта учрашувда ғалаба қозона олмаяпти. Бу парижликларнинг 2024 йилдан буёнги энг ёмон серияси ҳисобланади.

Франция чемпионатининг кейинги турида «ПСЖ» «Монако»га қарши майдонга тушади.