«Кристал Пэлас» футболчиси Исмаила Сарр фаолиятини «Ливерпуль»да давом эттириш ниятида.

28 ёшли қанот ҳужумчиси «қизиллар» томонидан Коди Гакпога ўринбосар сифатида кўриб чиқилаётган устувор номзодлардан бири ҳисобланади.

The Touchline нашри The Sun’га таяниб хабар беришича, сенегаллик футболчининг ўзи «Ливерпуль»га ўтишга қатъий қарор қилган. Сарр «Кристал Пэлас»дан кетишни талаб қилмоқда ва трансфер ойнаси ёпилишидан олдин келишув амалга ошишига умид қиляпти.

Исмаила Сарр «Кристал Пэлас» сафида жами 92 та учрашув ўтказиб, 33 та гол урган ва 10 та голли узатмани амалга оширган.

Transfermarkt портали футболчининг бозор қийматини 45 миллион еврога баҳоламоқда.