«Интер Майами» ҳужумчиси Лионель Месси МЛС доирасида «Монреаль»га қарши 7:1 ҳисобида якунланган учрашувда покер қайд этди ва яна бир голли узатмани амалга оширди.

39 ёшли аргентиналик футболчи фаолияти давомида саккизинчи марта бир ўйинда камида 4 та гол уришга муваффақ бўлди. Бу унинг «Интер Майами» сафидаги илк покери бўлди.

Месси бунга қадар сўнгги марта 2020 йилнинг 22 февралида бир учрашувда 4 та гол урган эди. Ўшанда у «Барселона» сафида Ла Лига баҳсида «Эйбар» дарвозасини тўрт бор ишғол қилган, каталонияликлар эса 5:0 ҳисобида ғалаба қозонганди.