Коди Гакпонинг "Манчестер Сити"га кутилаётган трансфери фонида "Ливерпуль" унинг ўрнини босиши мумкин бўлган футболчини танлади.
Аввалроқ "Манчестер Сити" нидерландиялик футболчи билан шартнома шартларини келишиб олгани ҳақида хабар берилган эди.
Журналист Экрем Конур маълумотига кўра, "Ливерпуль" Франциянинг "Лилль" клуби ҳужумчиси Матиас Фернандес-Пардо билан музокараларни бошлаган. 21 ёшли футболчи клубдан кетиш истаги сабаб аввалроқ жамоа машғулотларидан четлатилган эди.
Шу билан бирга, бельгиялик ҳужумчига "Ньюкасл" ҳам жиддий қизиқиш билдирмоқда.
Фернандес-Пардо янги мавсумда ҳали майдонга тушмади. Ўтган мавсумда эса у 41 та учрашувда 8 та гол уриб, 7 та голли узатмани амалга оширган.
Transfermarkt портали футболчининг бозор қийматини 35 миллион еврога баҳоламоқда.
