«Челси» «Монако» ярим ҳимоячиси Ламин Камарани таркибига қўшиб олишга яқин. Журналист Саша Тавольерининг хабар беришича, клублар сенегаллик футболчининг трансфери бўйича асосий шартларни келишиб олган.

Унга кўра, «кўклар» Камара учун бонусларни ҳисобга олганда тахминан 45 миллион евро тўлайди. Томонлар битимни расмийлаштиришдан олдин бир неча кичик масалани ҳал қилиб олиши керак. 

Transfermarkt экспертлари 22 ёшли футболчининг трансфер қийматини 40 миллион евро деб баҳоламоқда. Камара «Монако» сафида барча мусобақалар доирасида жами 75 та учрашув ўтказиб, 6 та гол ва 11 та голли узатма қайд этган. Сенегал миллий терма жамоаси таркибида эса ярим ҳимоячи 37 марта майдонга тушиб, 5 та гол ва 4 та ассистга муаллифлик қилган.