«Арсенал» бош мураббийи Микель Артета Мадриднинг «Атлетико» клуби ҳужумчиси Хулиан Альваресни эҳтимолий трансфер қилиш ҳақидаги миш-мишларга муносабат билдирди.
«Канонирлар» «Атлетико» футболчини «Барселона»га сотишдан бош тортганидан кейин аргентиналик ҳужумчи учун асосий даъвогарлардан бири сифатида тилга олинмоқда.
Душанба куни «Арсенал» Англия Премьер-лигасида сафарда «Астон Вилла»ни 1:0 ҳисобида мағлуб этди. Учрашувдан кейин журналистлар Артетадан трансфер ойнасининг сўнгги кунида Альвареснинг имзоланишини кутаётган-кутаётмаганини сўрашди.
«Альварес? Билмайман. Бу қарорни клуб раҳбарияти қабул қилади», — деди Артета.
Мураббийнинг сўзларини The Touchline келтирди.
Transfermarkt портали 26 ёшли Хулиан Альвареснинг бозор қийматини 120 миллион еврога баҳоламоқда.
