"Атлетико" ва Аргентина терма жамоаси ярим ҳимоячиси Жулиано Симеоне Лионель Мессининг миллий жамоадаги фаолиятини якунлаш қарорига муносабат билдирди.
"Раҳмат, Лео. Мамлакатимиз учун қилган барча ишларинг, бизга ҳис қилдирган барча туйғуларинг ва болалигимиздан кўпчилигимиз учун илҳом манбаи бўлганинг учун раҳмат. Мен болалигимдан сенинг ўйинларингни томоша қилиб, бир куни сен билан бир майдонга тушишни орзу қилардим. Ҳаёт эса менга тасаввур қилганимдан ҳам кўпроқ нарсани берди: терма жамоа либосини кийиш, сен билан бир кийиниш хонасини бўлишиш ва жаҳон чемпионатида сен билан ёнма-ён ўйнаш насиб қилди", — деб ёзди Симеоне ижтимоий тармоқдаги саҳифасида.
Аввалроқ 39 ёшли Лионель Месси Аргентина терма жамоасидаги фаолиятини якунлаганини маълум қилган эди.
Месси миллий жамоа сафида 21 йил давомида тўп сурди.
