"Милан" ўз расмий сайтида тарқатган хабарга кўра, клуб тартиб-интизом қўмитасининг Марио Балотелли ва "Сан-Сиро" фанатлар сектори устидан чиқарган қарорига амалдаги тартибга мувофиқ эътироз билдиради.
Қайд этиш жоиз, Балотелли уч ўйинга дисквалификация қилинган бўлиб, бунга 4-тур баҳсидан кейин ҳакам Лука Банти билан жанжаллашгани сабаб бўлган.
"Милан" фанатларининг стадиондаги алоҳида сектори эса "Наполи" ўйинчиларига ирқий камситиш муносабатида бўлингани туфайли бир ўйин бўш турадиган бўлган.