Аргентина терма жамоаси футболчиси ва «Бока Хуниорс» сардори Леандро Паредес миллий жамоадаги фаолиятини якунлаши мумкин. Бу ҳақда Goal.com хабар берди.
Паредес 2026 йилги жаҳон чемпионати финалида Аргентинанинг Испанияга мағлубиятидан кейин юз берган оммавий жанжалда иштирок этгани учун 10 та ўйинга дисквалификация қилинди ва жаримага тортилди.
«Терма жамоада ўйнашни давом эттириш мен учун қийин бўлади. Бунга дисквалификация ҳам, Мессининг қарори ҳам таъсир қиляпти. Энди ҳаммаси аввалгидек бўлмайди.
Ҳали мураббий билан гаплашмадим. Биз албатта суҳбатлашамиз ва шундан кейин қандай қарор қабул қилишимни кўрамиз», — деди Паредес.
Леандро Паредес Аргентина терма жамоаси сафида 84 та ўйин ўтказган. У миллий жамоа билан жаҳон чемпиони бўлган, шунингдек, икки марта Америка кубогини қўлга киритган.
