"ПСЖ" бош мураббийи Луис Энрике Брэдли Барколянинг жамоани тарк этиши барча томонлар учун энг яхши қарор бўлганини айтди.
23 ёшли Франция терма жамоаси вингери шу ёзда 125+20 миллион евро эвазига "Ливерпуль"га ўтган эди.
"Менимча, бу қарордан барча томонлар ютади. У кетишни хоҳлади, чунки жамоада янада муҳимроқ роль ўйнашни истарди. Аммо бундай мақомни машғулотлардаги меҳнат орқали қўлга киритиш керак, мен эса ҳеч кимга бундай ролни олдиндан ваъда қила олмайман.
У биз учун жуда муҳим футболчи эди, шу билан бирга ажойиб инсон. Жамоадошлари ҳам уни яхши кўришарди. Унинг шартномаси тугашига яна икки йил бор эди, аммо у кетишга қарор қилди ва мен унга фақат яхшилик тилайман.
Биз буни қабул қилишимиз керак. Келажакда ҳам клуб учун жуда муҳим бўлган футболчиларнинг кетиши табиий ҳол. Ҳаёт шундай", — деди Энрике "Монако"га қарши ўйин олдидан ўтказилган матбуот анжуманида.
