«Интер»нинг янги спорт директори Дарио Баччин Пьеро Аузилионинг ўрнини эгаллаганидан сўнг илк бор матбуот анжуманида иштирок этди.
Баччин клуб раҳбарияти унга ишонч билдирганидан миннатдор эканини таъкидлади.
«Бу менга нисбатан ҳурмат белгиси ва бундай имконият учун миннатдорман», — деди «Интер»нинг янги раҳбари. Баччин шунингдек, Аузилио билан сўнгги кунларда ўтказган суҳбатлари янги вазифасига хотиржам киришишига ёрдам берганини айтди.
У «Интер» бош мураббийи Кристиан Киву билан ҳам ёшлар тизимида ишлаган давридан бери кўп йиллик муносабатларга эга эканини қайд этди. Баччин янги лавозимдаги фаолиятини Аузилио қолдирган пойдевор асосида давом эттиришини билдирган.
