«ПСЖ» бош мураббийи Луис Энрике Франция чемпионати доирасида «Монако»га қарши ўтказилган ва 1:2 ҳисобидаги мағлубият билан якунланган уй учрашувидан сўнг фикр билдирди.
«Кўрганларимдан мамнунман. Бу мавсумнинг фақат бошланиши ва биз ҳали ўзимизнинг ҳақиқий даражамизга чиқмадик. Аммо жуда кўп ижобий жиҳатларни кўрдим.
Мен учун бир нарса аниқ — биз ғалабага лойиқ эдик. xG кўрсаткичига қаранг. Лекин футбол шундай ўйин — шунинг учун ҳам у ажойиб спорт тури.
Натижани қандай изоҳлайман? Футболни баъзан тушунтириб бўлмайди. Футболчиларнинг руҳиятини алоҳида таъкидламоқчиман. Бу жуда қизиқ чемпионат бўлади. Биз келажакка тайёрланишимиз керак», — деди Энрике Ligue 1+ эфирида.
Кейинги турда «ПСЖ» сафарда «Брест»га қарши майдонга тушади.
