"ПСЖ" бош мураббийи Луис Энрике жамоанинг Франция чемпионатидаги омадсиз старти ҳақида фикр билдирди. Парижликлар дастлабки уч турда бирорта ҳам ғалаба қозона олмади.

"Агар ким чемпион бўлиши ҳақида баҳслашмоқчи бўлсангиз, келинг, баҳслашамиз! Лекин мен ҳеч нарсага ишора қилмаяпман", — деди Энрике матбуот анжуманида.

Айни пайтда "ПСЖ" 2 очко билан Лига 1 турнир жадвалида 12-ўринни эгаллаб турибди. 9 очко тўплаган "Монако" эса пешқадам.

4-турда парижликлар сафарда "Брест"га қарши майдонга тушади. Учрашув 13 сентябрь куни бўлиб ўтади.