«Лион» бош мураббийи Паулу Фонсека клубнинг янги футболчиси Закари Атекаме ҳақида фикр билдирди. Франция клуби футболчини «Милан»дан ижарага олган. Фонсека эса аввалроқ Италия клубида бир неча ой ишлаган эди.
Португалиялик мутахассиснинг фикрича, Атекаме ёрқин индивидуал хусусиятларга ва кучли характерга эга футболчи.
«Биз ёрқин индивидуаллик ва кучли характерга эга футболчиларни таклиф қилдик — Бахер, Бидструп ва Атекаме шулар жумласидан. Бу жамоа яхши мувозанат ва психологик барқарорлик билан ажралиб туради», — дея Фонсека сўзларини pianetamilan.it келтирмоқда.
Эслатиб ўтамиз, Фонсека «Милан»дан кетганидан сўнг, 2025 йил бошидан буён «Лион»ни бошқариб келмоқда.
