«Ливерпуль»нинг собиқ ҳимоячиси Жейми Каррагер жамоанинг янги футболчиси Брэдли Баркола ҳақида фикр билдирди.

Яқинда Баркола «ПСЖ»дан ўтганидан кейин «Ливерпуль» сафида илк бор майдонга тушди. «Ипсвич»га қарши учрашувни у захира ўриндиғида бошлади ва 64-дақиқада Виктор Муньос ўрнига майдонга чиқди.

Коди Гакпо эса, аксинча, асосий таркибда ўйнади ва 2:0 ҳисобидаги ғалабали баҳсда Александер Исакка иккита голли узатма берди.

Бундан аввал нидерландиялик футболчи «Ньюкасл»га гол урган, «Ноттингем Форест»га қарши ўйинда эса ассист қайд этган эди.

«Гакпо ҳозиргидай формада бўлса, Барколяга ўйин вақти олиш жуда қийин бўлади», — деб ёзди Каррагер ижтимоий тармоқда.

Барколанинг трансфери «Ливерпуль»га бонусларсиз 125 миллион еврога тушган.