«Интер» президенти Беппе Маротта «Барселона» ёзда Лаутаро Мартинес трансфери бўйича Италия клубига мурожаат қилганини тасдиқлади.

Маротта DAZN Italia'га берган интервьюсида «Интер» каталонияликларнинг таклифини рад этгани ва ҳам клуб, ҳам Лаутаро ҳамкорликни давом эттиришни истаганини таъкидлади.

«Лаутаро Мартинес — жамоа сардори. У “Интер”нинг бугуни ва келажагини ифодалайди», — деди Маротта.

Клуб раҳбари, шунингдек, ўтган мавсумда А Серия чемпионлиги қўлга киритилганидан кейин ҳам ғолиблик руҳиятини сақлаб қолиш муҳимлигини таъкидлади.

29 ёшли аргентиналик футболчи «Интер» сардори ҳисобланади ва клуб билан амалдаги шартномага эга. «Нерадзурри» уни жамоанинг келажагидаги асосий футболчилардан бири сифатида кўрмоқда.