Дортмунднинг «Боруссия» клуби бош мураббийи Нико Ковач Чемпионлар лигасида «Вильярреал»га қарши ўйин олдидан матбуот вакиллари билан мулоқот қилди. Умумий босқичнинг 1-туридан ўрин олган учрашув 8 сентябрь куни бўлиб ўтади.

«Вильярреал» кетма-кет иккинчи мавсум Чемпионлар лигасида иштирок этмоқда. Испания жамоасининг чемпионатда Чемпионлар лигаси йўлланмасини берадиган ўринни эгаллаши ҳақиқатан ҳам кўп нарсани англатади», — дея Ковачнинг сўзларини УЕФА расмий сайти келтирди.

Шунингдек, мутахассис жамоа сардори Вальдемар Антон ҳақида ҳам фикр билдирди.

«У шахсий намунаси билан бошқаларни эргаштирадиган ва ҳеч қачон таслим бўлмайдиган етакчи. Айниқса, ёш футболчилар учун айнан шундай фазилатлар жуда муҳим.

Ўтган мавсумда ҳам у сардорлик боғичисиз туриб, руҳан жамоа сардори эди. Чунки унинг майдондаги иштироки қолган футболчиларни ҳам ўз ортидан эргаштиради», — деди Ковач.

«Боруссия» — «Вильярреал» учрашувини Симоне Соцца бошчилигидаги италиялик ҳакамлар бригадаси бошқаради.