Лионель Месси Испаниянинг «Эльденсе» футбол клуби эгасига айланиши мумкин.
As нашри маълумотига кўра, аргентиналик юлдузнинг ҳуқуқшунослари Хуан Карлос Трухильо бошчилигидаги Колумбиянинг TH инвестиция гуруҳи билан маълум вақтдан буён музокара олиб борган. Томонлар бугун принципиал келишувга эришган.
Унга кўра, жаҳон футболи тарихида энг кўп соврин қўлга киритган футболчилардан бири бўлган Месси Испания иккинчи дивизионида иштирок этувчи «Эльденсе» клубининг мажоритар акциядорига айланади.
Бироқ битимнинг якуний расмийлаштирилиши Испания Олий спорт кенгаши (CSD) рухсат беришига боғлиқ бўлади.
Қайд этилишича, Месси мазкур лойиҳада ягона инвестор сифатида иштирок этмоқда. Битимга бошқа бизнес ҳамкорлар ёки собиқ футболчилар жалб қилинмаган.
Томонлар келишув ҳақида яқин кунларда расман эълон қилишни режалаштирган. Агар битим амалга ошса, Лионель Месси Испанияда профессионал футбол клубига эгалик қилган биринчи аргентиналикка айланади.
