«Рома»нинг собиқ капитани Франческо Тотти нима учун ҳозирги «Рома»ни «Милан» ва «Ювентус»дан кучлироқ деб ҳисоблаётганини тушунтирди.

«Ўтган мавсумга нисбатан «Рома» ўз таркибини кучайтирди. Клуб онгли равишда қарор қабул қилди: спорт директори ва бош мураббий чемпионлик учун жиддий кураша оладиган футболчиларни жамоага таклиф қилди.

Улар «Милан» ва «Ювентус»дан олдиндами? Мавсумни қандай бошлаганига қараб, мен ҳа, деб айтардим. «Интер» ҳануз асосий фаворит ва кучли рақиб бўлиб қолмоқда. Аммо бундай «Рома» билан ҳеч нарсани истисно қилиб бўлмайди», — дея Тоттининг сўзларини Pianeta Milan нашри келтирди.

Эслатиб ўтамиз, Рим клуби мавсумни жуда яхши бошлади ва чемпионатнинг дастлабки уч туридан сўнг пешқадамликни қўлга киритди.