Ўзбекистон миллий терма жамоаси бош мураббийи Фабио Каннаваро штабига икки нафар янги мутахассис қўшилди.
ЎФА маълумотига кўра, италиялик Сильвано Котти миллий жамоада физиотерапевт сифатида иш бошлайди. У катта халқаро тажрибага эга бўлиб, фаолияти давомида Италия ва Хитой миллий терма жамоалари, шунингдек, "Интер", "Милан", "Челси" ва "Рома" клубларида меҳнат қилган.
Шунингдек, Андреа Юлиано Ўзбекистон миллий терма жамоаси штабига спорт нутрициологи сифатида қўшилди. Биолог-нутрициолог ва спорт овқатланиши бўйича мутахассис аввал "Удинезе" клуби ҳамда Швейцария U-21 терма жамоаси билан ишлаган.
Янги мутахассислар миллий жамоа футболчиларининг жисмоний ҳолатини назорат қилиш, тикланиш жараёни ва спорт овқатланиши йўналишларида фаолият олиб боради.
