Россия терма жамоаси ва "Монако" ярим ҳимоячиси Александр Головин Саудия Арабистони чемпионатидан тушган таклиф ҳақида фикр билдирди.
"Агар "Монако"дан кетадиган бўлсам, эҳтимол, биринчи навбатда уйга қайтишни хоҳлаганим учун кетаман. Ёки Европада бошқа йўналишда ҳаракат қилиш мумкин. Саудия Арабистони эса иккинчи даражали вариант", — дея футболчининг сўзларини "РБ Спорт" келтиради.
30 ёшли ярим ҳимоячи "Монако" сафида 2018 йил ёзидан бери тўп тепмоқда. Унинг клуб билан шартномаси 2029 йил июнь ойи охирига қадар амал қилади.
Головиннинг бозор қиймати 18 миллион евро деб баҳоланмоқда.
Жорий Лига 1 мавсумида Александр 5 та ўйин ўтказиб, 2 та голли узатма амалга оширди.













