«Наполи»нинг камерунлик ярим ҳимоячиси Андре-Франк Замбо-Ангисса клубини ўзгартириши мумкин.

Tuttosport маълумотига кўра, «Наполи» 30 ёшли футболчи билан мавсум охирида якунланадиган шартномани узайтириш бўйича келишувга эриша олмаяпти. Томонлар ўртасидаги музокаралар боши берк кўчага кириб қолгани айтилмоқда.

Манбага кўра, «Интер», «Милан» ва «Ювентус» вазиятни диққат билан кузатмоқда.

Жорий мавсумда Замбо-Ангисса Италия А Сериясида 4 та учрашувда майдонга тушди ва ҳозирча гол ёки голли узатма билан ажралиб турмади.

Transfermarkt маълумотига кўра, ярим ҳимоячининг бозор қиймати 15 миллион еврони ташкил қилади.