Бразилия терма жамоаси ўртоқлик ўйинида Австралияни 4:2 ҳисобида мағлубиятга учратди. «Селесао» урган тўртта голдан иккитаси пенальтидан киритилди. Биринчи бўлимда ўн бир метрлик зарбани Рафинья, иккинчи бўлимда эса Винисиус Жуниор аниқ амалга оширди.

Ўйиндан сўнг Винисиус нима учун учрашув сўнггида айнан унга пенальти тепиш ишониб топширилганини тушунтириб берди.

«Майдонда Рафинья бўлмаганида, бизнинг пенальтичимиз Бруно Гимараэс ҳисобланади. Аммо у ҳозир менга ишончни қайтариб олиш зарурлигини билади», - дея Винисиуснинг сўзларини келтиради The Touchline.

Айтиш жоизки, Винисиус ҳозирда энг яхши спорт формасида эмас. Бразилиялик футболчи ушбу мавсумда «Реал» сафида саккизта ўйинда атиги битта гол урган.