"Манчестер Сити" матбуот хизмати Англия Премьер-лигасининг мустақил комиссия клубни молиявий қоидаларни бузганликда айбдор деб топгани ҳақидаги баёнотига муносабат билдирди.
Клуб расмий сайтидаги хабарда "шаҳарликлар" комиссия хулосасидан ҳайратда ва норози экани айтилган.
"Клуб Премьер-лига томонидан қўйилган айбловларни рад этади. Ушбу иш бўйича клубнинг барча позицияларини қўллаб-қувватлайдиган катта ҳажмдаги рад этиб бўлмайдиган далиллар мавжуд.
Шу сабабли клуб барча тегишли тартибга солувчи ва ҳуқуқий майдонларда изчил ва зарур ҳолатларда фаол ҳаракат қилади", — дейилади "Сити" баёнотида.
Шунингдек, АПЛ жараёни ҳали давом этаётгани ва клуб ўзи учун мавжуд бўлган барча апелляция имкониятларидан фойдаланиши қайд этилган.
"Манчестер Сити" мустақил комиссия хулосалари устидан 2 октябрга қадар шикоят қилиши мумкин.
