Грециянинг "Левадиакос" клуби Миср терма жамоаси ярим ҳимоячиси Муҳаммад Эльнени билан шартнома имзолаганини эълон қилди. Бу ҳақда клуб ижтимоий тармоқларда хабар берди.
Эльнени БААнинг "Ал-Жазира" клубини тарк этганидан сўнг эркин агентга айланган эди. Айни пайтда мамлакат чемпионати турнир жадвалининг сўнгги поғонасида бораётган "Левадиакос" шартнома тафсилотларини ҳозирча ошкор қилмади.
34 ёшли футболчи фаолияти давомида Швейцариянинг "Базель", Лондоннинг "Арсенал" ва Туркиянинг "Бешикташ" клубларида ҳам тўп тепган.
Transfermarkt маълумотига кўра, Эльненининг бозор қиймати 1,2 миллион еврони ташкил қилади.
Футболчи янги жамоаси сафидаги илк ўйинини 11 октябрь куни ўтказиши мумкин. Шу куни "Левадиакос" чемпионат доирасида "Ираклис"га қарши майдонга тушади.
