Қозоннинг "Рубин" клуби кеча Европа лигаси иккинчи турида "Зюте-Варегем" клубини 4:0 ҳисобида мағлубиятга учратганидан хабарингиз бор. Маълум бўлишича, бу ғалаба клубнинг Европа лигасидаги кетма-кет қозонган тўққизинчи ғалабаси бўлган.
Қурбон Бердиев жамоаси мусобақа саралаш раундидан мағлубиятсиз келмоқда: "Ягодин", "Рандерс" ва "Мельде"га қарши уй-сафар ўйинларининг барчасини ўз фойдасига ҳал қилган.
Гуруҳ босқичига келиб эса "Марибор" (5:2) ва "Зюлте-Варегем" (4:0) клубларини йирик ҳисобда таслим этди.
Қўшимча равишда, қозонликлар ўтган йилги мусобақанинг чорак финали жавоб учрашувида "Челси"ни 3:2 ҳисобида мағлуб этганди.