«Сантос» ҳужумчиси Неймар «Барселона» вингери Ламин Ямални ҳозирги кунда дунёнинг энг яхши футболчиси деб атади.
Бразилиялик футболчи ижтимоий тармоқларда Sofascore нашрининг постига муносабат билдирди. Унда Ямалнинг 2026/27 йилги мавсум бошидаги кўрсаткичлари Неймарнинг 2017/18 йилги мавсумда, «ПСЖ» сафида ўйнаган пайтидаги натижалари билан таққосланган.
Sofascore маълумотларига кўра, Ямалнинг мавсумдаги дастлабки 10 та учрашув учун ўртача баҳоси 8,61 баллни ташкил этган.
«Ламин Ямаль — дунёнинг энг яхши футболчиси», — деб ёзди Неймар ушбу пост остида.
Қайд этиш жоиз, Ямаль 2026 йилги «Олтин тўп» учун курашда асосий даъвогарлардан бири ҳисобланади. Мукофотни топшириш маросими 26 октябрь куни бўлиб ўтади.
