Клод Пюэль 2025/2026 йилги мавсумда «Ницца» учун мураккаб кечаётган даврда, январь ойида Франк Эзани бош мураббийлик лавозимида алмаштирди.
У орадан кўп ўтмай клуб раҳбариятига 39 ёшли Ҳатем Бен Арфани жамоага қайтариш таклифини билдирди.
Бироқ 2022 йилдан бери майдонга тушмаган ҳужумкор ярим ҳимоячининг жисмоний ҳолатини тиклашга қаратилган режа мавжуд бўлса-да, охир-оқибат бу трансфердан воз кечилди. Пюэль бу қарор сабабини тушунтирди.
«Аввало, унинг жисмоний ҳолатини баҳолаш керак эди. Ахир у узоқ вақтдан бери ўйнамаган. Биз эса қуйи лигага тушиб кетмаслик учун курашаётган эдик. Шу боис жамоа диққатини чалғитадиган ёки жисмоний, ёхуд руҳий ҳолат билан боғлиқ пасайишларга олиб келадиган омилларга йўл қўя олмасдик.
Шунинг учун уни таркибга қўшиб олиш хавфи жуда катта эди ва бу, айниқса, трансфердан кейин юзага келиши мумкин бўлган катта умидларни ҳисобга олганда, ҳалокатли оқибатларга олиб келиши мумкин эди», — дея мутахассиснинг сўзларини келтирмоқда derbyderbyderby.it.
