«Арсенал» ҳимоячиси Бакари Санья мавсум тугагач жамоани тарк этмоқчи. Бу ҳақда Dailya Mail хабар бермоқда.
Хабарингиз бор, 30 ёшли франциялик футболчининг «Арсенал» билан шартномаси жорий мавсум охирида ўз ниҳоясига етади. Шу сабаб у Лондонни эркин агент сифатида тарк этади.
Футболчи ҳозирда ҳафтасига 60 минг фунт ишлаб топади. Ўтган мавсумдаёқ клуб унга худди шунча маош билан янги шартнома таклиф қилган, лекин у таклифни рад қилган.
Манбада айтилишича, клуб селекция хизмати вакилларига қанот ҳимоячиси топиш вазифасини топширилган.
Шуни ҳам таъкидлаш жоизки, футболчига «ПСЖ», «Монако», «Фенербахче» ва «Галатасарой» жамоалари қизиқиш билдирмоқда.
