Россия терма жамоасининг собиқ футболчиси Сергей Юраннинг таъкидлашича, Каталония матбуотида «Барселона» қизиқиш билдираётган 100та футболчининг номи эълон қилинган. Бу рўйхатда «Ростов» ҳужумчиси Артём Дзюба ҳам бор.
«Дзюба «Барселона»да? Жамоа қизиқиш билдираётган 100 футболчининг ичида у ҳам борлиги рост. «Барселона» селекционерлари одатда шундай кенг рўйхатдан футболчиларни танлаб олишади.
Артём учун ҳозир энг катта вазифа бу Россия терма жамоаси таркибидан муқим жой ола билиш ва жаҳон чемпионатида қатнашишдир. Бундан ташқари еврокубокларда ҳам у ўзини кўрсатиши керак. Шунда унинг имкониятлари кескин ошади»,- дейди Юран.
Таъкидлаш жоизки, Дзюба Россия чемпионатининг ортда қолган 12-туридан кейин 10та голга муаллифлик қилган ҳолда премьер лиганинг тўпурари бўлиб турибди.
