«Ньюкасл» мухлислари Англия чемпионати доирасидаги «Ливерпуль»га қарши ўйин куни жамоа раҳбари Майкл Эшлига қарши марш ташкиллаштиришмоқчи. Бу ҳақда Chronicle Live хабар бермоқда.

Бугун мухлисларнинг шаҳар расмийлари билан охириги учрашуви бўлиб ўтади, лекин улар аллақачон маршнинг ўтказилишига қарши эканликларини маълум қилишган. 19 октябр куни кундузи соат 11да ўтказилиши кутилаётган «тадбир»да мингдан ортиқ мухлислар қатнашишади.

Мухлислар ва раҳбарият ўртасида юзага келган тушунмовчиликларга Майлк Эшлининг клуб спорт директори лавозимига Жо Каннейрни сайлагани ва бутун ёз давомида бирорта ҳам трансферга қўл урмагани сабаб бўлган. Жо Эннер эса ўтган йили бўлиб ўтган тадбирлардан бирида жамоанинг аосий таркиб футболчилар номини хато айтган эди.