ЧЛ гуруҳ босқичининг 3-турида Чехиянинг "Виктория" жамоасини 5:0 ҳисоби билан мағлуб этган "Бавария" мусобақадаги кетма-кет 8-ғалабасини қўлга киритди. Бу ҳақда клуб расмий сайти шундай ёзади.
Шу тариқа, Мюнхен клуби еврокубоклардаги ўз рекордини янгилаган. Бундай кетма-кет -ғалабаларнинг аввалги серияси 1995/96 йиллар мавсумида кузатилган бўлиб, клуб ўшанда 7 ўйинда рақибларидан устун келган.
Қайд этиш жоиз, ЧЛ тарихида бу борада энг юқори кўрсаткич 9 ўйинни ғалаба билан якунлаган "Барселона"га тегишли. Каталонияликларнинг собиқ бош мураббийи қўл остида бўлган "Бавария" гуруҳ босқичини юз фоизли натижа билан тугата олса бу борада етакчиликни қўлга киритиши мумкин.