"Манчестер Сити" Чемпионлар лигасининг 4-тури доирасида ЦСКАга қарши ўз майдонидаги учрашув учун Манчестер шаҳрида меҳмон жамоа мухлисларига чипта сотмайди. Бу ҳақда клуб ўз расмий сайти орқали мухлисларга мурожаат қилган.
Клуб Манчестер полицияси билан ҳамкорликда шундай йўл тутишга қарор қилган. Шунингдек, ЦСКА бир неча бор "Сити"дан ўз мухлислари учун ҳам чипталарни сотувга қўйишни сўрагани таъкидланиб, бунинг учун рус клубидан узр сўралган ва бунинг иложи йўқлиги айтилган.
Эслатиб ўтамиз, "Манчестер Сити" - ЦСКА ўйини 5 ноябр санасига белгиланган.