"Милан" клуби президенти Сильвио Берлусконининг қизи Барбаранинг маълум қилишича, у отасидан клуб фалсафасини ўзгартиришни сўраган, бироқ, вице-президент Адриано Галлианининг лавозимидан кетиши ҳақида гап бормаган.
Кеча Италия матбуотида "Милан" директорлар кенгаши аъзоси бўлган Барбара Берлускони клубнинг "Фиорентина"дан мағлубиятга учраганидан сўнг Адриано Галлианини лавозимидан озод қилиш кераклигини сўраб отасига мурожаат қилгани ҳақида маълумотлар тарқалганди.
"Мен ҳеч қачон Адриано Галлианининг кетишини сўраганим йўқ. "Милан"нинг мағлубиятидан сўнг отамга клуб бизнес фалсафасини ўзгартириш лозимлигини айтдим", - дейди Барбара Берлускони.