"Барселона" Дортмунднинг "Боруссия" клубига Роберт Левандовскини ҳарид қилиш бўйича расмий таклиф билан чиқди, деб ёзади El Mundo Deportivo.
Каталонияликлар поляк ҳужумчиси учун немисларга 8,5 миллион евро таклиф қилмоқда. Аммо ушбу нашр томонидан аввал хабар берилганидек, "Боруссия" Левандовскини 8,6 миллион еврога сотишга тайёрлигини билдирган.
Айни вақтда футболчига «Барселона»дан ташқари «Реал», «Челси», «Арсенал», «Бавария» ва «МЮ» қизиқиш билдирмоқда.
Хабарингиз бор, футболчининг шартномаси келаси йилнинг ёзида ўз ниҳоясига етади ва у эркин агент сифатида хоҳлаган жамоасига ўтиб кетиши мумкин. Шунинг учун «Боруссия Д» Польша терма жамоаси ҳужумчисини арзон бўлса ҳам қишда сотмоқчи. Акс ҳолда ёзда Роберт бошқа жамоага кўчиб ўтса, клуб бундан фойда кўрмайди.
Жорий мавсумда Левандовски «Боруссия Д» таркибида 14 учрашувда майдонга тушган ва 12 марта гол муаллифига айланиб улгурган.