Трансфер олами тўғрисида кунора янгилик билан чиқиб турадиган Daily Mail бу сафар "Манчестер Юнайтед"нинг "Барселона" яримҳимоячиси Андрес Иньестага кўз олайтираётганини хабар қилди. Манчестерликлар Иньеста атрофидаги вазиятдан унумли фойдаланиб қолишни мақсад қилганлар чоғи.
Агар январгача Испания терма жамоасининг 29 ёшли аъзоси "кўк-анорранглилар" билан янги шартномага келиша олмаса, Англия чемпионлари уни ҳарид қилиш пайига тушадилар.
Аввалроқ Каталония клуби Иньестанинг маошини 12 миллион еврога оширишга тайёр экани борасида хабар бергандик. Аммо музокаралар футболчининг молиявий шарти сабаб унчалик юришмаяпти.
Эслатиб ўтамиз, амалдаги шартнома 2015 йил ёзида ниҳоясига етади.