Индонезиялик бизнесмен "Интер" акциялари назорат пакетининг расмий соҳибига айланди. Бу ҳақда клуб расмий сайти маълумот тарқатди.
Тохирнинг қўл остида бўлган International Sports Capital компания ва унинг икки ҳамкори бугундан бошлаб клуб акцияларининг 70 фоизига эгалик қилади.
Осиёлик корчалон, шунингдек, "Интер" президентига ҳам айланди, Массимо Моратти эса клуб фахрий президенти бўлиб қолади.
"Мендан ажойиб "Интер" қоляпти, аммо уни муносиб қўлларга топширяпман", - деди Моратти.
Football Italia`нинг қайд этишича, Мораттида "Интер"нинг 28,3 фоиз акциялари қолган. Яна 1,6 фоиз улуш Pirelli компаниясига тегишли.