"Милан"нинг ўнг қанот ҳимоячиси Иньяцио Абатега "Ювентус" қизиқиш билдирмоқда. Турин жамоасини мавсум сўнггида Стефан Лихтштайнер ёки Мартин Касерес тарк этиши мумкин ва 27 ёшли Абате эса уларнинг ўрнини тўлдириши кутилмоқда.
Маълумотларга қараганда, "россонерлар" Абатени январь ойидаёқ сотишлари мумкин. Аммо улар футболчини имкон қадар хориж жамоасига трансфер қилишни ният қилишган. Футболчининг "Милан" билан шартномаси 2015 йилнинг июнь ойида якунига етади.
Эслатиб ўтамиз, йил бошида "Зенит" Абате учун 10 миллион евро таклиф қилганди, бироқ "Милан" 12 миллион евро талаб қилгани боис келишув амалга ошмаганди.
Абате ушбу мавсумда А сериянинг 10та ўйинида майдонга тушишга улгурди.