"Милан" директори ҳисобланувчи клуб президентининг қизи Барбара Берлускони "россонерлар" вице-президенти рулига потенциал номзод излашда давом этмоқда. Адриано Галлиани мавсум якунида лавозимидан кетишидан хабарингиз бор.
Барбара бир қатор номзодлар орасидан жамоа собиқ яримҳимоячиси Деметрио Альбертинига кўпроқ эътибор қаратмоқда. La Gazzetta dello Sport хабарига кўра, у аввал Италия футбол федеирацияси вице-президенти лавозимида ишлаган.
Маълумотларга қараганда, 42 ёшли функционернинг "Милан"да иш бошлаш имконияти собиқ ҳимоячи Паоло Мальдинига қараганда кўпроқ. Шу ўринда, Мальдинига "ПСЖ"да ҳам иш таклиф қилишаётганини қайд этиш ўринли.