Лондонда Олимпия стадионини "Вест Хэм"нинг уй ўйингоҳига айлантириш ишлари бошланди, дея хабар бермоқда клуб расмий сайти.
Ишчилар аллақачон стадион томидаги 14 прожектордан биринчисини қисмларга ажратишни бошлаган. Ёритиш аппаратлари ечиб олинади ва янги том учун алмаштирилади.
Клуб арена реконструкцияси учун жами ҳисобда 200 миллион фунт ажратган. Стадион сиғими, режага кўра, 80 мингдан 55 мингга қисқаради.
"Темирчилар" янги стадионда 2016/17 йиллар мавсумидан бошлаб тўп сура бошлаши кутилмоқда.